TJD qyzmetkerleri aıdalada aıaǵyn syndyryp alǵan shańǵyshyǵa kómek kórsetti. 1962 jyly týǵan er adam 16 sáýirde shańǵymen Maloýbınka sý qoımasyna qaraı bet alyp bara jatqan jolda aıaǵyn syndyryp alǵan.
Oqıǵa Rıdder qalasynan 70 shaqyrym jerde taýly jerde bolǵan. Zardap shegýshige shuǵyl kómek kórsetý úshin MI-8 tikushaǵy kóterildi. TJD qutqarýshylary men Apattar medısınasy ortalyǵynyń qyzmetkerleri О́skemennen ushyp jetti. Er adamǵa alǵashqy kómek kórsetilip, Rıdder qalasynyń aýrýhanasyna jetkizildi.
TJD qyzmetkerleri taýly jerlerdiń qaýipti ekenin taǵy bir márte eske salady. Demek, jolǵa shyqsańyz alǵashqy kómek kórsetý qobdıshasyn alyp júrý qajet. О́z baǵyty týraly jaqyndaryna mindetti túrde habarlaý kerek.