Dene shynyqtyrý jáne sportty damytýdyń 2025 jylǵa deıingi tujyrymdamasyna sáıkes Shyǵys Qazaqstan oblysynda buqaralyq sport túrin damytý boıynsha jumystar júrgizilip jatyr. Soǵan sáıkes, sportqa den qoıǵan azamattardyń sany artqan, dep habarlaıdy Egemen.kz.
Oblystyq Dene shynyqtyrý jáne sport basqarmasynyń basshysy Dosjan Ýálhanovtyń aıtýynsha, byltyr sportpen aınalysqan adamdar sany 427 myńǵa deıin artqan.
О́ńirde sportpen shuǵyldanamyz degender úshin túrli sport nysandary salynyp-aq jatyr. Búginde oblys boıynsha barlyǵy 3 myńnan astam sport kesheni bar eken. О́tken jyldyń ózinde 16 nysan paıdalanýǵa berildi. Aqtoǵaı kentinde, Kókpekti aýylynda jáne Shar qalasynda úsh dene shynyqtyrý-saýyqtyrý kesheni boı kóterdi. Sondaı-aq, eki júzý basseıni, bes sport alańy, bes shaǵyn fýtbol alańy, bir hokkeı qoraby salynǵan.
– Qazirgi tańda úsh sport nysanynyń qurylysy júrgizilip jatyr. Atap aıtsaq, Katonqaraǵaı aýyly men Shemonaıha qalasynda eki dene shynyqtyrý-saýyqtyrý kesheni jáne Maqanshy aýylynda bir sport modýli salynýda. Bıyl Marqakól, Aqsýat, Qaınar, Borodýlıha, Samar, Bozanbaı, Úlken Naryn aýyldarynda jáne Serebrıansk qalasynda shynyqtyrý-saýyqtyrý qurylysyn bastalady, – dedi Dosjan Ýálhanov.