Ulybrıtanııada kúıeýi tońazytqyshta saqtalǵan chıpcterdi kezdeısoq eritip alǵan áıelin óltirip, denesin bólshektep tastady, dep habarlaıdy Egemen.kz Daily Mirror basylymyna silteme jasap.
Qylmys ótken jyldyń 23 mamyrynda Stokportta jasalǵan. 49 jastaǵy Tomas Makkann 46 jastaǵy áıeli Ivonmen janjaldasqan.
Erli-zaıyptylardyń uly ata-analaryn tatýlastyrmaq bolyp, olardy otbasylyq jıynǵa shaqyrǵan. Alaıda Tomas nıet bildirgenmen, áıeli tatýlasýdan bas tartqan.
Nátıjesinde, bes saǵattan keıin kúıeýi jıynǵa jalǵyz barǵan. Keıin belgili bolǵandaı, osy ýaqyt aralyǵynda ol áıelin óltirip, denesin bólshektep, jergilikti saıabaqta qoqys salynǵan paketterge jasyrǵan. Sodan keıin kúıeýi qasaqana áıeliniń atynan dostary men týystaryna habarlamalar joldaǵan. Tipti óz telefonynan áıelinen keshirim surap, sms joldaǵan.
Eki kúnnen keıin áıel denesiniń bólikteri salynǵan býmalar tabylyp, Ivonnany óltirdi degen kúdikpen kúıeýi birden qamaýǵa alynǵan. Tomas óz qylmysyn moıyndady.
Aıta keteıik, erli-zaıyptylar 24 jyl bir shańyraq astynda turǵan.