Qazaqstandyq tennısshi Aleksandr Býblık Ispanııanyń Barselona qalasynda ótip jatqan júlde qory 1 565 480 evrony quraıtyn ATR týrnıriniń ekinshi kezeńinen asa almady, dep habarlaıdy Egemen.kz
Tusaýkeser kezdesinde Qazaqstannyń birinshi raketkasy Aleksandr Býblık álemdik reıtıngte 48 orynda turǵan Alehandro Davıdovıch-Fokınadan aılasyn asyrǵan edi. Ekinshi kezeńde ol Aleks de Mınaýrmen sheberlik baıqasty. Bul básekede ATR reıtınginde 25 orynǵa jaıǵasqan 22 jastaǵy Aýstralııa tennısshisiniń asyǵy alshysynan tústi. Ol 7:6, 6:2 esebimen basym tústi. Túrkııanyń Ystanbul qalasynda WTA týrnıri bastaldy. Júlde qory 235 238 AQSh dollaryn quraıtyn jarysta Zarına Dıas óner kórsetken edi. Alaıda ol Estonııanyń eń úzdik tennısshisi Klaýdıo Kanepıege 4:6, 4:6 esebimen ese jiberdi.