Halyqaralyq «Alash» ádebı syılyǵynyń ıegeri, aqyn Járken Bódesh ómirden ótti, dep habarlaıdy Egemen.kz.
Aqparatty Qazaqstan Jazýshylar odaǵy rastap otyr.
Járken Bódeshuly 1944 jyly 15 mamyrda QHR-dyń Tarbaǵataı aımaǵy Toly aýdanyndaǵy Jaıyr taýynda dúnıege kelgen. Azan shaqyryp qoıǵan aty-Jarmuhammed.
QazMÝ-diń jýrnalıstıka fakýltetin bitirgen. Merzimdik basylymdar men memlekettik Kitap palatasynda jaýapty qyzmetter atqarǵan.
Dúnıejúzi qazaqtarynyń qaýymdastyǵynda bólim meńgerýshisi bolǵan.
Sońǵy jyldary Qazaqstan Jazýshylar odaǵy basqarmasynyń ádebı keńesshisi bolyp qyzmet atqardy.
Shyǵarmalary:
Kókshe quraq. О́leńder men poemalar. A., «Jalyn», 1979; Qos qanat. О́leńder. A., «Jazýshy», 1982; Zeıin. О́leńder men poemalar. A., «Jalyn», 1984; Aspan daýsy. О́leńder men poemalar. A., «Jazýshy», 1985; Nurly boıaýlar. О́leńder men poema-portretter. A., «Jalyn», 1988; Juldyzǵa ornyn aı bermes. О́leńder men poemalar. A., «Sózstan», 1996; Emender túnde búrleıdi. A., «Ana tili», 2001; Báriniń asyǵy. A., «Jazýshy», 2005; Burylys. A., «Sózdik-slovar», 2007.Túrli basylymdarda aqynnyń «Ańyraqaı beketindegi oı», «Qaraýyl tóbe», «General Jahar Dýdaev», «Ot pen sý» («Soros– Qazaqstan» qorynyń júldesi berilgen), «Tas besik», «Bostandyqtyń basy», «Sher», «Jalǵyz» atty dastandary jarııalanǵan.