Advokat jańa týǵan náresteni óltirý isi boıynsha sot quramyna qarsylyq bildirdi, dep habarlaıdy Egemen.kz.
Búgin Atyraýda perınataldyq ortalyqta náresteni muzdatqyshqa salyp óltirý isi boıynsha appelııasııalyq sot otyrysy ótti.
Perınataldyq ortalyqtyń burynǵy dırektory Qýanysh Nysanbaev pen bas akýsher-gınekolog Asqar Qaıyrjannyń qorǵaýshysy appelııasııalyq sottyń barlyq quramyna qarsylyq bildirdi.
«Appelııasııalyq sottyń quramyna qarsylyq bildirdik. Sondaı-aq bul isti qaraǵan sýdıa appelııasııalyq sot quramyna kirdi. Sol sebepti buǵan kelispeıtinimizdi bildirip, sottyń barlyq quramyn alyp tastaýdy suradyq. Sonymen qatar, obektıv saqtaý úshin bul isti Atyraý oblystyq sotynan basqa kez-kelgen sotqa berýdi suradyq», deıdi advokat.
Eske salaıyq, sábıdiń ólimi týraly is boıynsha perzenthananyń bas dárigeri jáne qylmysqa qatysy bar basqa da qyzmetkerler kináli dep tanylyp, túrli merzimge bas bostandyǵynan aıyrylyǵan edi.
Oblystyq perınataldyq ortalyqtyń basshysy Qýanysh Nysambaev 18 jylǵa, akýsher-gınekolog Asqar Qaıyrjan 16 jylǵa sondaı-aq akýsher Jámılá Kúlbatyrova 15 jylǵa bas bostandyǵynan aıyrylǵan bolatyn.
Qyzmetkerler balany óli týyldy dep tirkep, onyń tiri ekeni belgili bolǵanda qujattardy qaıta rásimdemeı, balany máıithana tońazytqyshyna jibergen.
Gaýhar QAPASh