Senbi kúni mamyrajaı Almatyny álekke salyp, tapa-tal túste kisi jaralaǵan qarýly adam týraly aqparat áleýmettik jelilerdi birden kezip ketti.
О́ıtkeni atys bolyp jatqanyn kózderimen kórip, qulaqtarymen estip otyrǵan «Buhar Jyraý Taýers» turǵyn úı kesheniniń turǵyndary bul oqıǵanyń beıne jazbasymen túsirgen sýretterin jarysa jarııalap jatty.
Osylaısha, Almatyda «Buhar Jyraý Taýers» turǵyn úı kesheniniń kúzetshisine oq atqan er adam óz páterinde jasyrynyp qalǵany týraly jedel aqparat paıda boldy. Kýágerler ara-tura atylǵan oqtyń dybysy estiletinin aıtyp otyrdy. Demalys kúni túrli sharýalarymen syrtqa, serýendeýge shyǵyp ketken adamdar jarty kún dalada júrýge májbúr bolsa, kóp uzamaı polısııa qyzmetkerleri qalǵan turǵyndardy da qaýipsiz jerge kóshirdi.
Polısııa departamentiniń málimetinshe, kúzetshi men belgisiz er adamnyń arasynda týyndaǵan janjal saldarynan kúzetshiniń aıaǵy ańshy myltyǵymen atyp jaralanǵan. Ol qazir aýrýhanada jatyr.
«Iá, bul adam munda burynnan turady. Minezi shataqtaý adam. Dıvanǵa kelsek, munyń bári qaýeset (áleýmettik jelide janjal dıvanǵa qatysty týdy degen boljam da bar). Kireberistegi bul dıvandar uzaq ýaqyttan beri tur. Ol ózime eshqashan dórekilik kórsetken emes. Qarýyn eshqashan kórmedik, biraq ol – kúrdeli adam. 17-qabatta turady», degen bolatyn kúndizgi saǵat 12-de serýendeýge shyǵyp, úıine kire almaı qalǵan bir áıel kórshisi.
Sonymen kúnniń ekinshi jartysynda Almatyny úreıde ustaǵan oqıǵa qaıǵyly aıaqtaldy.
«Búgin tústen keıin buzaqylyq nıetpen kelispeýshilik kezinde «Buhar Jyraý Taýers» TK kúzetshisin myltyqpen atyp jaraqattaǵan kúdiktini ustaý operasııasy aıaqtaldy. Kúdikti oqıǵadan soń sol turǵyn úı kesheninde ornalasqan páterge tyǵyldy. Azamattardyń qaýipsizdigi úshin polısııa qyzmetkerleri turǵyndardy evakýasııalap, oqıǵa ornyn qorshady. Buryn habarlanǵandaı, kúdiktimen birneshe saǵat boıy kelissóz júrgizildi. Kelissóz prosesin polısııa departamentiniń, prokýratýranyń qyzmetkerleri men onyń tanystary júrgizdi. Alaıda ol kelisimnen bas tartyp, esik jaqqa oq atýdy jalǵastyrdy. Baspaldaq alańyna qaraı 30-ǵa jýyq oq atty.
Osydan keıin polısııa departamentiniń arnaıy jasaǵynyń kúshimen kúdiktini ustaý týraly sheshim qabyldandy. Jaýapkershilikten qorqyp, kúdikti óz-ózine qol jumsady, qolyndaǵy myltyǵymen birge páterdiń terezesinen sekirip ketti. Operasııa barysynda arnaıy kúshterdiń qyzmetkerleri atys qarýyn qoldanǵan joq, ólimge ákelmeıtin quraldar, ıaǵnı shý men gaz granatalary qoldanyldy. Turǵyn úı kesheniniń turǵyndary arasynda zardap shekkender joq. Tergeý barysynda kúdikti azamatqa oq-dárileribar qarýdyń tıesiligi anyqtaldy. Qazirgi ýaqytta oqıǵa ornynda polısııa departamentiniń jedel-tergeý toby jumys istep jatyr», degen resmı aqparat taratty polısııa.
Oqıǵa ornyna kóp uzamaı jetip barǵan BAQ ókilderine brıfıng ótkizgen Almaty qalalyq polısııa departamenti bastyǵynyń orynbasary Rústem Ábdirahmanov: «Turǵyn úı kesheniniń kúdikti óz páterine jasyrynǵan qanatyndaǵy turǵyndar qaýipsiz jerge kóshirildi jáne oqıǵa orny oqshaýlandy. 30 márte oq atylǵannan keıin kúdiktini polısııa departamentiniń arnaýly bólimshe qyzmetkerleriniń kómegimen ustaý týraly sheshim qabyldandy. Polısııa qyzmetkerleri júrgizgen arnaýly operasııa barysynda ólim-jitimge ákeletin qarý qoldanylǵan joq. Jaýapkershilikten qoryqqan kúdikti oq atqan qarýymen birge páter terezesinen sekirip mert boldy. Qazirgi ýaqytta polısııa departamentiniń jedel tergeý toby jumys istep jatyr», dedi.
Rústem Ábdirahmanovtyń aıtýynsha, kelissóz prosesi 6 saǵattan astam ýaqytqa sozylǵan. Qazirgi ýaqytta onyń mundaı qadamǵa ne úshinbarǵany anyqtalyp jatyr. Sonymen qatar buloqıǵa sotqa deıingi tergeýdiń biryńǵaı tizilimine «buzaqylyq» baby boıynsha tirkelip otyr.
Al qalalyq Densaýlyq saqtaý basqarmasynyń ókilderi: «Oqıǵa barysynda turǵyn úı kesheniniń bir kúzetshisi jaraqat aldy. Oǵan medısınalyq kómek kórsetildi. Qylmys jasaǵan kúdikti 17-qabattan sekirip, mert boldy. Oqıǵa ornynda jedel járdem qyzmetiniń 4 brıgadasy kezekshilik etti. Zardap shekkender qoǵamdyq densaýlyq saqtaý basqarmasynyń medısınalyq uıymyna jetkizildi» dep málimdegen bolatyn.
Bastapqyda Qoǵamdyq densaýlyq saqtaýbasqarmasy arnaıy operasııa kezinde úsh adamzardap shekkenin, onyń ishinde ekeýi arnaıy jasaq qyzmetkeri ekenin habarlaǵan bolatyn.
«Bárine medısınalyq kómek kórsetildi. Zardap shekkender QDB medısınalyq mekemelerine jetkizildi. Olardyń jaǵdaıy týraly qosymsha habarlanady», delingen bolatyn basqarma habarlamasynda. Alaıda ile-shala vedomstvo ókilderi kúzet bóliminiń bir ǵana qyzmetkeri zardap shekkenin habarlady. Sonymen qatar polısııa ókilderi arnaıy jasaq qyzmetkeri zardap shekkeni týraly habardy joqqa shyǵardy.
Polısııa málimeti boıynsha, kúzetshini atyp, keıin 6 saǵattan asa ýaqyt boıy páterinde jasyrynyp, 17-qabattan sekirip mert bolǵan adam Reseı azamaty, jasy 56-da.
Alaıda almatylyqtar terezesine plakattar ilip, túsiniksiz qadamdarǵa barǵan kúdiktini tirideı qolǵa túsire almaǵan polısııa qyzmetkerlerine narazylyq bildirip otyr. Osydan bes jyl buryn, 2016 jyly megapolısti dúr silkindirgen «almatylyq atqysh» Rýslan Kúlekbaevtan keıingi qarýly adam, ókinishke qaraı, kóp qupııany ózimen birge ala ketti.