О́zgege qamqor bolýdyń ómirsheń ónegesi az ǵana isten atoılap kórinip turary bar. Derjavınsk qalasyndaǵy «Gorodok» dúkeniniń ıesi Tatıana Gaıdýkova ádemi mysal jaıynda súısine otyryp áńgimelep berdi.
Qala turǵyny Tájibek Nurseıit árbir juma kúni atalǵan dúkenge kelip, sórede turǵan nannyń belgili bir bóliginiń qunyn tólep ketedi eken. Dúkenshiler aqshasy tólengen álgi nandy tutynýshylarǵa tegin taratady. Al olar bolsa belgisiz jomartqa aq alǵystaryn jaýdyrady. Bul arada qala turǵyndary nanǵa zárý bolyp otyr degen oı týmasa kerek. Qaı-qaısysynyń bolsyn dastarqandaryna adal as qoıatyn shamasy bar. Halyqtyń kóńilin tolqytyp otyrǵan jaı – jomart jannyń izgi áreketi.
Ol osy ádemi ádetin ár aptada bir ret jasaıdy eken. Oraza bastalǵaly dúken sórelerindegi nannyń barlyǵyn satyp alatyn bolypty. Jaqsylyqtan qulaǵdar bolǵan adamdar bul kúndi «tegin nan kúni» dep ataı bastapty. Shynynda da ózgelerge ónege bolatyn-aq jaı emes pe?
Jomart jandy izdep taptyq. Ońtústik Qazaqstan oblysynyń Maqtaaral aýdanynyń týmasy. Shymkent qalasyndaǵy medısına kolledjin támamdaǵannan keıin Jarqaıyń aýdandyq aýrýhanasynyń hırýrgııa bóliminde qyzmet isteıdi. Negizgi jumysy arqyly adam tánin emdese, jomarttyǵymen jerlesteriniń janyna qýat berip júr.
Aqmola oblysy,
Jarqaıyń aýdany