2021 jyldyń 1 mamyrynan bastap Qazaqstannyń keıbir zańnamalaryna engizilgen ózgerister kúshine enedi, dep habarlaıdy Egemen.kz «Paragraf» aqparattyq portalyna silteme jasap.
Zeınetaqy júıesi – 1 mamyrdan bastap taratylǵan bankterden talap etilmegen depozıtter zeınetaqy shottaryna aýdarylady.
Erikti zeınetaqy jarnalary esebinen zeınetaqymen qamsyzdandyrý týraly sharttyń jasalý erejeleri men standartty nysany ózgerýde.
Jyljymaıtyn múlikti tirkeý – tirkeýshi organǵa quqyqtyq kadastrdyń aqparattyq júıesi arqyly kelip túsken quqyq belgileıtin qujattyń elektrondyq kóshirmesi negizinde júzege asyrylady. Buǵan deıin málimetter biryńǵaı notarıattyq aqparat júıesi(ENIS) arqyly alynǵan.
Mádenıet – kórermender konsertke bıletti satyp alǵanǵa deıin olarǵa fonogramma týraly eskertilýi qajet.
Qazaqstandyqtar elektrondy katalogty «Ulttyq Kitaphananyń» saıtynan tirkeýsiz jáne aqysyz paıdalana alady.
Avtorlyq quqyq – avtorlarǵa áleýmettik mańyzy bar ádebıetke menshik quqyǵyn alǵandyǵy úshin belgilengen mólsherleme boıynsha syıaqy tólenedi.
Memlekettik menshikti jekeshelendirý – aýksıon, konkýrs, maqsatty tikeleı satý, ótkizý sondaı-aq jekeshelendirý obektilerin satý kezinde esep aıyrysý tártibi erejelerine ózgerister engizildi.
Bankter – áleýmettik jobalarǵa nesıe berý tetigi sheńberinde berilgen qarajatty bankterdiń maqsatty paıdalanýy tekseriletin bolady.
Benzınge aksızder – Úkimet benzınge salynatyn aksızder mólsherlemesin ózgertti.
Keden – Qarjy mınıstrligi jergilikti jerdegi kedendik tekserýdiń aldyn-ala aktisin tapsyrý erejeleri men merzimderin bekitti.
Jer máselesi – jer telimderi memlekettik–jekemenshik seriktestik sharttary boıynsha ýaqytsha óteýsiz paıdalanýǵa beriledi.
Býhgalterlik esep bólimi – kásibı býhgalterlik organdar úshin esep tizimderi bekitilgen.
Aqparat – Úkimet birlesken jáne basqa da jumystardy júrgizýge baılanysty memlekettik qupııalardy berýdiń jańa erejesin bekitti.
Memleketaralyq standarttar – Qazaqstan memleketaralyq standarttaý jónindegi qujattardy taratý týraly kelisimdi ratıfıkasııalady. Ratıfıkasııa myna máselelerdiń sheshilýin qamtamasyz etedi: memleketaralyq standarttardyń zańdy satylýyna, olardyń qazirgi zamanǵy shyndyqqa beıimdelýine quqyqtyq negiz jasaıdy sondaı-aq, bıznes úshin shyǵyndar azaıady.