Qazaqstan quramasy bokstan Taılandtyń Bangkok qalasynda ótip jatqan jastar arasyndaǵy Futures Cup týrnırinde tórt medal jeńip aldy, dep habarlaıdy Egemen.kz.
Búgin, 15 naýryzda aqtyq synnyń kúndizgi sessııasy ótti. Nátıjesinde otandastarymyz úsh altyn, bir kúmis medalǵa ıe boldy.
Dosjan Jumaqan 60 kelige deıingi salmaqtyń aqtyq synynda Sıva Chaınarongtan basym tústi.
Hamza Maqsatuly 75 kelige deıingi salmaqtyń fınalynda О́zbekstan sportshysy Sýhrob Rahmatýllaevty aıqyn basymdyqpen jeńdi.
80 kelige deıingi salmaqta Aıdana Ýbaıdýllaqyzy fınalda ózbekstandyq Asaloı Bahtıorovany merziminen buryn jeńdi.
90 kelige deıingi salmaqtyń fınalynda synǵa túsken Jalǵas Ýtebekov ózbekstandyq Asadbek Sýltanboevke ese jiberdi.
Azııa chempıonaty: Qazaqstan trıatlonshylary eki medal jeńip aldy
Aıta keteıik, keshki sessııada Beıbarys Áshirbaı (70 kelige deıin), Kamıla Ospanova (70 kelige deıin), Tımýr Taıbekov (80 kelige deıin), Vladıslav Samojonov (90 keliden joǵary) altyn medal úshin judyryqtastady.