Mamyr aıyndaǵy mereke kúnderi medısınalyq uıymdar, ıaǵnı qalalyq MSAK uıymdary shtattyq rejımde jumys isteıtin bolady, dep habarlaıdy Egemen.kz Qoǵamdyq densaýlyq saqtaý basqarmasyna silteme jasap.
Qoǵamdyq densaýlyq saqtaý basqarmasy habarlaǵandaı qalalyq emhanalarda ýchaskelik dárigerler men mobıldi brıgadalar jumys isteıtin bolady.
«Alda merekeler bar, alaıda biz halyqqa medısınalyq kómek kórsetý úshin úzdiksiz jumys isteı beremiz. Qajet bolǵan jaǵdaıda pasıentter ýchaskelik dárigerlerge júgine alady. Sol sııaqty saǵat 08:00-20:00-ge deıin jumys isteıtin jyljymaly brıgadalardy da shaqyra alady. Al «jedel járdem» qyzmeti táýlik boıy qyzmet etedi. Jedel shaqyrýlardyń 4 sanatyna emhanalardaǵy JMK qyzmet kórsetedi», dedi Qoǵamdyq densaýlyq saqtaý basqarmasy basshysynyń orynbasary Álııa Rústemova.
Rústemova mereke kúnderi salalyq mamandar jumys istemeıtinin, al jeksenbide tek kezekshi dárigerler kómek kórsetetinin atap ótti.
«Qala turǵyndary mereke kúnderi óz emhanalarynyń koll-ortalyqtaryna nemese ýchaskelik dárigerlerge qońyraý shala alady. Baılanys nómirleri olardyń resmı saıttarynda jáne áleýmettik jelilerde kórsetilgen», dedi ol.