Búgin Reseıden Ázerbaıjanǵa koronavırýsqa qarsy Sputnik V vaksınasynyń birinshi partııasy jetkizildi, dep habarlaıdy Egemen.kz
40 myń doza vaksına tıelgen ushaq Geıdar Alıev atyndaǵy halyqaralyq áýejaıyna qondy. Ushaqty áýejaıda Ázerbaıjan Syrty ister mınıstriniń orynbasary Halaf Halafov, osy eldegi Reseı Elshisi Mıhaıl Bocharnıkov, Densaýlyq saqtaý mınıstriniń orynbasary Vıktor Gasymov jáne basqa da resmı tulǵalar qarsy aldy.
Ázerbaıjanda vaksınalaý 18 qańtarda bastaldy.
Ázerbaıjan – túrli óndiristegi vaksınalardy alýǵa múmkindik beretin Dúnıejúzilik densaýlyq saqtaý uıymynyń COVAX baǵdarlamasynyń múshesi. Elde 1 shildege deıin qatań karantındik rejim ornatylǵan.