Áleýmettik jelilerde «Qyzylorda bazaryna koronavırýsqa qarsy vaksınasyz kirgizbeı jatyr» degen aqparat paıda boldy. Oblys ákimdigi jaǵdaıǵa baılanysty túsinikteme berdi, dep habarlaıdy Egemen.kz
Qyzylorda oblysynyń ákimdigi bul aqparatty joqqa shyǵardy.
«Qazirgi ýaqytta qalalyq emhanalar janynan ekpe egý úshin jyljymaly toptar quryldy. Osyndaı mobıldi toptardyń biri búgin «Qorqyt Ata» saýda ortalyǵynda vaksınasııa júrgizdi. Onda barlyq sanıtarlyq talap saqtalǵan. Aıta keteıik, vaksınasııa aldynda dárigerler mindetti tekseristen ótkizedi.
Alaıda, «bazarǵa vaksınasyz eshkimdi kirgizbeıdi» degen aqparat jalǵan ekenin habarlaımyz. Qazirgi ýaqytta erkin saýdaǵa barlyq múmkindik bar», dep málimdedi vedomstvo ókilderi.