Almaty qalasynyń polısııa departamenti bastyǵynyń tergeý jumystary boıynsha orynbasary Rýstam Ábdirahamanov Facebooktegi paraqshasynda qalada 15 jastaǵy qyzdy mas júrgizýshi qaǵyp ketkeni týraly málim etti, dep habarlaıdy Egemen.kz.
«4 mamyr kúni saǵat 22:10-da 1982 jylǵy A. esimdi azamat mas kúıde «Aýdı A6» avtokóligimen Ile dańǵyly boıyndaǵy №286 ǵımaratqa qarama-qarsy kólik júretin joldyń ortasynda turǵan 2006 jyly týǵan kámelettik jasqa tolmaǵan D.-ny basyp ketti», dep jazdy Rýstam Ábdirahmanov.
Júrgizýshi oqıǵa ornynan jasyrynbaq bolǵanymen, ony polıseıler izin sýytpaı ustaıdy.
«Qyz medısınalyq mekemege jetkizildi. О́kinishke oraı, alǵan jaraqatynan esin jımaı kóz jumdy. Aıyptyǵa qatysty Qylmystyq kodekstiń eki baby (QR QK 345-1-baby 3-tarmaǵy jáne QR QK 347-baby) boıynsha sotaldy tergeý bastaldy», dedi ol.