Atyraý qalasyndaǵy eń iri Halyqqa qyzmet kórsetý ortalyǵynda vaksınalaý beketi ashyldy, dep habarlaıdy Egemen.kz.
Oblystyq densaýlyq saqtaý basqarmasy baspasóz qyzmetiniń málimetinshe, jańa bekette Halyqqa qyzmet kórsetý ortalyǵynyń qyzmetkerleri de, kelýshiler de koronavırýs ınfeksııasyna qarsy vaksına saldyrýyna bolady. Atalǵan ortalyq «Nursaıa» shaǵyn aýdanynda ornalasqan.
«Azamattarǵa arnalǵan úkimet» memlekettik korporasııasy» KeAQ Atyraý fılıalynda 800-ge jýyq adam jumys isteıdi. Onyń ishinde 100 qyzmetker vaksına alýǵa óz erkimen kelisim berip, ekpe saldyra bastady. Vaksına salýǵa №2 Atyraý qalalyq emhanasynan 1 dáriger men 2 medbıke tartyldy» deıdi fılıaldyń qoǵammen baılanys jónindegi menedjeri Bekjan Ahmetov.
Onyń aıtýynsha, HQKO-dan «Nursaıa», «Bolashaq», «Tulpar» shaǵyn aýdandarynda turatyn turǵyndardyń da «Spýtnık V» vaksınasynyń I komponentin alýyna múmkindik jasalyp otyr.