Aqmolada nemeresi týǵan ájesiniń shotynan 150 myń teńgeni sheship alǵan, dep habarlaıdy Egemen.kz Polisia.kz saıtyna silteme jasap.
Býrabaı aýdanynyń PB kezekshi bólimine Shýchınsk qalasynyń qart turǵynynan 6 mamyrda saǵat 10:00-de belgisiz tulǵalar onyń «Halyq banki» kartasynan 150 000 teńge somasyndaǵy aqshalaı qarajatty alǵany týraly ótinish kelip túsken.
Jedel-izdestirý is-sharalaryn júrgizý barysynda polısııa qyzmetkerleri jábirlenýshiniń bank kartasyna ruqsaty bar nemeresiniń qatysy bolýy múmkin ekenin anyqtady. 37 jastaǵy áıel polısııa bólimine jetkizildi. Tergeý barysynda polısııa qyzmetkerlerine bul aqshany kartadan óz erkimen alyp, jeke qajettilikterine jumsaǵanyn moıyndady.
Atalǵan fakti boıynsha tártip saqshylary QR QK 389-baby (О́zinshe bılik etý) boıynsha sotqa deıingi is júrgizýdi bastady. Tergeý amaldary jalǵasýda.