Shymkent qalasynda tabylǵan granataǵa uqsas jarylǵyshty polısııa zalalsyzdandyrdy, dep habarlaıdy Egemen.kz.
11 mamyr kúni jergilikti turǵyn qala aýmaǵyndaǵy aýyldardyń birinde qoı baǵyp júrgen kezinde granataǵa uqsas zatty taýyp alǵan. «Ol osy jaǵdaıdy Shymkent qalalyq polısııa departamenti Eńbekshi aýdany PB-nyń kezekshi bólimine habarlady. Atalǵan habarlama boıynsha polısııa qyzmetkerleri shaqyrtý bolǵan jerge shuǵyl bardy. Tekserý barysynda tártip saqshylary qara tústi granatany anyqtap, qorshaýǵa alyp, zalalsyzdandyrdy», delingen habarlamada.
Shymkent qalasynyń PD jarylǵysh zatty tapqan kezde odan alys turyp, qaýip týraly aınaladaǵy azamattarǵa eskertip, dereý polısııaǵa habarlaýǵa keńes beredi.