Aqparat jáne qoǵamdyq damý mınıstri Aıda Balaeva Qostanaıǵa jumys sapary barysynda oblystyq telearnanyń 60 jyldyq mereıtoıyna arnalǵan saltanatty jıynǵa qatysty. Basqosý barysynda telearnanyń 14 tilshisi Mınıstrliktiń qurmet gramotalarymen marapattaldy, dep habarlaıdy Egemen.kz.
Aıda Balaeva odan keıin oblystyq telearna ǵımaratyna baryp, jýrnalısterdiń jumys jaǵdaıymen tanysty.
«Fılıaldardyń damýy qashanda oblys basshylyǵyna baılanysty másele. Osy turǵydan alǵanda sizder joly bolǵan ujymsyzdar. Oblystyq telearna bıyl 60 jyldyq belesti baǵyndyryp otyr. Barshańyzdy mereıtoılaryńyzben quttyqtap, shyǵarmashylyq tabys tileımin! Qostanaı telearnasy el kóleminde alǵashqylardyń biri bolyp telehabar taratýdyń sıfrlyq júıesine kóshti. Aldaǵy ýaqytta áli talaı tabysqa qol jetkizetinderińizge senemin», dedi Aıda Balaeva.
Mınıstr telearna ardageri Vladımır Marardyń omyraýyna «Eńbek ardageri» tósbelgisin taqty. Al baılanys mamany Murat Moldahmetovke «Aqparat salasynyń úzdigi» tósbelgisin tapsyrdy.
Qostanaı oblysy