Prezıdent Qasym-Jomart Toqaevtyń tapsyrmasyna sáıkes jáne eki memleket arasyndaǵy strategııalyq seriktestik qaǵıdattaryn basshylyqqa ala otyryp, Qazaqstan Úkimeti Úndistanǵa kúrdeli epıdemıologııalyq jaǵdaıǵa baılanysty gýmanıtarlyq kómek kórsetti, dep habarlaıdy Egemen.kz.
Júk tıegen eki qazaqstandyq ushaqtyń birinshisi 2021 jyly 14 mamyrda tańerteń Nıý-Delıdegi Indıra Gandı atyndaǵy halyqaralyq áýejaıǵa qondy.
Ekinshisi birneshe saǵattan keıin kelýi kerek.
Gýmanıtarlyq kómekke medısınalyq densaýlyq saqtaý kompanııalarynyń medısınalyq maskalary, respıratorlary, qorǵanysh kostıýmderi jáne portatıvti jeldetkishteri kiredi. Áýejaıda ony tabystaý rásimine Qazaqstannyń Úndistandaǵy Elshisi Nurlan Jalǵasbaev, úndi tarapynan - Úndistan Syrtqy ister mınıstrligi Eýrazııalyq yntymaqtastyq departamentiniń dırektory Bandarý Vılsonbabý qatysty.
Esterińizge sala keteıik, 2021 jylǵy 4 mamyrda Qazaqstan Prezıdenti Q.Toqaev Úndistan Premer-Mınıstri Narendra Modıge Úndistanda COVID-19 indetiniń qatty órshýine baılanysty qalyptasqan qıyn-qystaý kezeńde úndi eliniń qaıǵy-qasiretine ortaq ekenin jetkizgen edi. Al 7 mamyrda Qazaqstan Úkimetine úndi tarapyna tıisti kómek kórsetýdi tapsyrdy.
2020 jyly Úndistan Qazaqstanǵa pandemııamen kúresýge kómektesý úshin gıdroksohlorohın tabletkasyn jibergenin atap ótken jón.