Grýzııada qaza tapqan Ásel Aıtpaevanyń isi boıynsha onyń týysy ustaldy, dep habarlaıdy Egemen.kz Polisia.kz portalyna silteme jasap.
Nur-Sultan qalasynyń polısııa departamenti Grýzııada qaza tapqan boıjetkenniń ata-anasynyń aryzy boıynsha kúdiktini ustady.
M. Meıirbekovke qatysty Qylmystyq kodekstiń 128-baby – adam saýdasy boıynsha sotqa deıingi tergeý bastaldy.
Aýyr qylmys jasady dep kúdikke ilingen Meıirbekov polısııa bólimine jetkizilip, ýaqytsha ızolıatorǵa qamalǵan.
Istiń mán-jaıyn anyqtaıtyn jan-jaqty tergeý júrip jatyr.
Eske sala keteıik, 26 jastaǵy Ásel Aıtpaevanyń denesi 5 mamyr kúni Tbılısı qalasyndaǵy bir úıdiń terezesiniń astynan tabylǵan edi. Ol 9-qabattan qulap mert bolǵan.
Keıinnen Grýzııa prokýratýrasy qazaqstandyq qyzdy zorlaý jáne óz-ózine qol jumsaýǵa ıtermeleý isi boıynsha aıyptaý shyǵardy.
Habarlamada «kúdikti qyzdy zorlap, artynan óltiremin dep qorqytqan» delingen. Aýyr kúızeliske túsken azamatsha óz-ózine qol jumsaǵan.
Kúdikti 6 mamyrda ustaldy.