Bul jaıynda byltyr arnaıy túsinikteme bergenine qaramastan Prezıdenttiń baspasóz hatshysy Berik Ýálı taǵy da málimdeme jasady, dep habarlaıdy Egemen.kz.
«17 mamyr ádettegideı jumys kúni. Prezıdent Qasym-Jomart Toqaev bekitilgen kestege sáıkes jumys isteıdi. Sondyqtan eshqandaı is-shara uıymdastyrylmaıdy, tipti, Ákimshilik qyzmetkerlerine de Prezıdentti quttyqtaýǵa ruqsat etilmedi. Memleket basshysy úshin búgin qalypty jumys kúni. Onyń áýletinde balalardyń da, úlkenderdiń de týǵan kúnin toılaý dástúri qalyptaspaǵan.
Qazirdiń ózinde kórshi memleketterdiń basshylary jáne Úkimet, Parlament, halyqaralyq uıymdardyń jetekshileri júrekjardy tilekterin jedelhattar arqyly joldaýda, sondaı-aq telefon shalyp quttyqtaýda», delingen Berik Ýálıdiń feısbýktegi jazbasynda.
Aıta keteıik, Prezıdenttiń týǵan kúnine oraı quttyqtaýlar tolassyz kelip jatyr.