QR Premer-Mınıstri Asqar Mamınniń tóraǵalyǵymen ótken Úkimet otyrysynda eldegi sanıtarlyq-epıdemııalyq jaǵdaı qaraldy, dep habarlaıdy Egemen.kz.
Qazirgi jaǵdaı men halyqty vaksınalaý barysy týraly densaýlyq saqtaý mınıstri Alekseı Soı, óńirlerdegi ahýal týraly Qaraǵandy oblysynyń ákimi Jeńis Qasymbek, Nur-Sultan qalasynyń ákimi Altaı Kólginov, Shymkent qalasynyń ákimi Murat Áıtenov baıandady. Qazirgi tańda Qazaqstanda COVID-19 aýrýy boıynsha ahýaldyń jaqsarý serpini baıqalady. Vırýstyń reprodýktıvti ındeksi 0,98 quraıdy. Aýrýhana tósekteri 36%, reanımasııalyq tósek oryndar 28% toly. 6 óńir — Nur-Sultan, jáne Almaty qalalary, Batys Qazaqstan, Aqmola, Qaraǵandy, Atyraý oblystary «qyzyl aımaqta» tur.
Búginde Qazaqstanda vaksınanyń birinshi komponenti 1,9 mln jýyq adamǵa, ekinshi komponenti shamamen 800 myń adamǵa egildi. Qoımalar men medısınalyq mekemelerde vaksınalardyń jetkilikti kólemi bar. Vaksınalaý keste boıynsha júrgizilýde.
«О́ńirlerde vaksınalaýdy arttyrý boıynsha jumysty jalǵastyrý qajet. Ákimder máseleni erekshe baqylaýda ustasyn. Adamdarǵa vaksınany tańdaý quqyǵy jáne tıisti aqparat berilýi tıis», dedi A. Mamın.
Úkimet basshysy Densaýlyq saqtaý mınıstrligine vaksınalaý arasyndaǵy aralyqty naqty anyqtap, halyqtyń suraýlary men qalaýyna nazar aýdarýdy tapsyrdy. Premer-Mınıstr shekteý sharalarynyń saqtalýyn baqylaıtyn monıtorıngtik toptardyń jumysyn jalǵastyrý qajettigin atap ótti.
«Ashyq» qosymshasyn paıdalaný oń nátıjesin berip otyr. Sonyń arqasynda qyzmetter kórsetý salasyndaǵy bıznestiń jumys isteý múmkindigi jaqsardy, olarǵa kelýshi adamdardyń qaýipsizdigi artty. Qosymshany paıdalaný salalaryn odan ári de keńeıtý qajet», dedi A. Mamın.