Shymkent qalasynda koronavırýs pandemııasy bastalǵannan 10 931 jaǵdaıy tirkelgen. Onyń ishinde 6156 sımptommen bolsa, 4775 sımptomsyz. Emdelip shyqqandar sany – 9528, qaıtys bolǵandar – 55. Bul týraly búgin Úkimet otyrysynda qala ákimi Murat Áıtenov aıtty.
«18 mamyrda COVID-19 ınfeksııasyn juqtyrýdyń 30 jaǵdaıy tirkeldi. Onyń 24-i sımptommen, 6-y sımptomsyz. 1 269 adam emdelýde, onyń ishinde 940 úılerinde karantın rejıminde. Sońǵy 14 kúnde «COVID-19» juqtyrǵan naýqastarmen qatynasta bolǵan 2 620 azamat ambýlatorlyq baqylaýda. Qala turǵyndaryna qyzmet kórsetetin 11 PTR zerthanasy jumys isteýde. Zerthanalarda 1 kúnde 6200 test jasaýǵa múmkindik bar. Barlyǵy 405 702 PTR test ótkizildi. 17 mamyrda 685 PTR test jasalǵan», dedi qala ákimi.
Ákimniń aıtýynsha, qalada mamandandyrylǵan ınfeksııalyq 1406 tósek-oryn bar. Stasıonarda 679 azamat em qabyldaýda (KVI – 329, pnevmonııa –345, JRVI – 5). Tósek-oryn tolymdylyǵy 48% quraıdy, 727 tósek orny bos. Jańsaqtaý bóliminde 159 tósek oryn bar, onda 76 azamat em qabyldaýda. Al epıdemıologııalyq jaǵdaı nasharlaǵanda tósek-oryndardyń sany 5 416-ǵa jetkiziletin bolady.