Qaraǵandy turǵyny sıntetıkalyq esirtki satqany úshin 11 jylǵa bas bostandyǵynan aıyryldy. Ony satý úshin Telegram áleýmettik jelisin qoldanǵan, dep habarlaıdy Egemen.kz.
«Bıyl Qaraǵandy oblysynyń aýmaǵynda esirtki qylmystarynyń sany 175-ten 208-ge deıin ósti. Áleýmettik jeliler men qolma-qol aqshasyz tólem júıeleriniń qarqyndy damýy adamdarǵa jábirlenýshilermen ómirde baılanyspaı-aq túrli qylmys jasaýǵa múmkindik beretinin taldaý kórsetip otyr. Máselen, bıyl Telegram messendjerin paıdalanyp, qala boıynsha esirtki qoıýmen aınalysqan Qaraǵandy turǵyny 11 jylǵa sottaldy», dep habarlady Qaraǵandy oblysy prokýratýrasynyń baspasóz qyzmetindegiler.
Vedomstvo ókili esirtki taratýdyń bul joly keńinen tanymal ekenin aıtty. Bıyl naýryzda oblystyń basqa bir turǵynyna qatysty taǵy bir uqsas is sotqa joldanǵan eken. Ol «Alfa – PVP» esirtkisin Telegram arqyly satty degen kúdikke ilingen. Bul úshin ol múlki tárkilenip, 10 jyldan 15 jylǵa deıin bas bostandyǵynan aıyrylýy múmkin.
«Osy sanattaǵy qylmystardyń negizgi bóligine (133 nemese 64 paıyzy) esirtkini satý emes, olardy medısınalyq emes tutyný, óndirý, óńdeý, satyp alý, saqtaý jáne satý maqsatynsyz tasymaldaý jatady», dep tolyqtyrdy prokýratýra ókili.