Shymkent turǵyndary koronavırýs ınfeksııasyna qarsy vaksınany belsendi túrde alyp jatyr, dep habarlaıdy Egemen.kz.
«Halyqtyń vaksınaǵa degen yqylasy jaqsy. Kúni búgin vaksına alatyn kontıngenttiń 30 paıyzynan astamyna vaksına salyndy, Shymkent bul kórsetkish boıynsha kósh basynda», deıdi qala ákimi Murat Áıtenov.
Úkimet otyrysyna selektorlyq rejımde qatysyp, qaladaǵy epıd ahýaldy baıandaǵan qala basshysy aqpan aıynan bastap azamattardy vaksınasııalaý úshin 43 stasıonarlyq jáne 25 jyljymaly beket uıymdastyrylǵanyn atap ótti.
«Búginge birinshi komponent 163 515 azamatqa, al ekinshi komponent 66 657 azamatqa salyndy. Halyqtyń vaksınaǵa degen yqylasy jaqsy. Kúni búgin vaksına alatyn kontıngenttiń 30 paıyzynan astamyna vaksına salyndy. Vaksınasııalaýǵa 753 medısına qyzmetkeri oqytylyp, jumyldyryldy», dedi ákim.
Shymkent qalasy turǵyndaryna buqaralyq aqparat quraldary arqyly sanıtarııalyq-epıdemıologııalyq normalaryn saqtaý jáne koronovırýs ınfeksııasyna qarsy vaksınasııalaý boıynsha keń aqparattyq túsindirý jumystary júrgizilýde.
Budan bólek, qala ákimdigi janynan ashylǵan call-center táýlik boıy jumys isteýde. Qaladaǵy bıznes sýbektileri úshin «Ashyq» jobasy iske engizildi. Qazirgi tańda 428 bıznes sýbektileri jobaǵa qosyldy, statýs anyqtaý barysynda 25 qyzyl jáne 87 sary túspen azamattar anyqtalǵan.