Almaty oblysy Boraldaı kentinde kámeletke tolmaǵan oqýshy qyzdy uryp-soqqandardyń biri ustaldy. Bul týraly oblystyq polısııa departamenti málim etti, dep habarlaıdy Egemen.kz.
Eske sala keteıik, 13 mamyrda Almaty oblysy Boraldaı kentindegi aıaldamada eki áıel 16 jastaǵy qyzdy uryp-soqqan. Jasóspirim alǵan jaraqattaryna baılanysty Almaty qalasyndaǵy balalar aýrýhanasyna jetkizildi.
Osy oraıda qylmysty ashý úshin jedel-tergeý toby qurylyp, polıseıler kúdiktilerdi Almatydan Boraldaı aýylyna jetkizgen taksı júrgizýshisin qolǵa túsirdi. Tártip saqshylary 25 pen 40 jas aralyǵyndaǵy áıelderdi uqsas belgileri boıynsha tekserip shyqqan.
«19 mamyrda Almatyda ótkizilgen jedel-izdestirý sharalary nátıjesinde polısııa qyzmetkerleri 27 jastaǵy jergilikti turǵyndy ustady. Ol dálelder usynylǵannan keıin óz kinásin moıyndady. Oqıǵanyń ekinshi qatysýshysy, Eńbekshiqazaq aýdany Báıterek aýylynyń 30 jastaǵy turǵyny ekeni anyqtaldy. Ony ustaý boıynsha sharalar qabyldanyp jatyr», dedi departament ókilderi.