19 mamyr kúni Italııada Strombolı men Etna janatraýy atqylady, dep habarlaıdy Egemen.kz.
Áleýmettik jelilerde Strombolı janartaýynyń ústindegi qara tútin túsirilgen foto men vıdeolar jarııalandy. Kýágerlerdiń aıtýynsha, janartaý atqylaǵan kezde kúl, qum jáne basqa da janartaý materıaldary shashylǵan. Sonymen qatar Strombolıdiń batys betkeıinde kraterden lava qatty tógile bastady. Onda shamamen 600 metr bıiktikte lava teńizge jetetindeı «ot aǵyny» dep atalatyn oıyq bar.
Strombolı janartaýy sońǵy kúnderi belsendi túrde atqylaı bastady. Araldaǵy jaǵdaıdy Italııanyń ulttyq geofızıka jáne výlkanologııa ınstıtýtynyń (Ingv) mamandary, sondaı-aq Azamattyq qorǵanys qyzmetiniń qyzmetkerleri muqııat qadaǵalaıdy.Janartaýdyń atqylaýynan eshkim zardap shekken joq jáne zattar búlinbegen. Qazir Strombolı aralynda 400-ge jýyq adam bar, biraq jazda týrıstik maýsymda adam sany 3 myńǵa deıin artady.