Jol apatynan ómiri qıylǵan balalardyń sany artyp barady

Túrli JKO saldarynan 4 973 adam jaraqat aldy (13,4% - ǵa ósti) jáne 458 adam opat boldy (5,3% - ǵa ósti).

Joldarda kámeletke tol­maǵandar óliminiń ósýi erekshe nazar aýdarýǵa turarlyq, olardyń sany 699-dan 856-ǵa deıin artty jáne zardap shek­kenderdiń jalpy sanynyń 15,8%-yn quraıdy. Bul rette, kámeletke tolmaǵandardyń qatysýymen oryn alǵan jol apattary sebepteriniń biri – ere­sekter balalardyń jolda jú­rýine nemquraıly qaraıdy. So­nymen qatar 12 jasqa deıingi balalardy arnaıy ustaý qu­rylǵysy nemese balany qa­ýipsizdik beldiginiń kómegimen otyr­ǵyzyp qoıýǵa múmkindik beretin arnaıy ustaý qurylǵysy bolmaǵan kezde, tasymaldaýǵa tyıym salýdy kózdeıtin Jol júrisi qaǵıdalarynyń talaptaryn saqtamaıdy.

Jasalǵan orny boıynsha jol apattarynyń negizgi bóliginiń 74%-y, ıaǵnı 2 724-i eldi meken­derde, 635-i halyqaralyq, res­pýblıkalyq mańyzy bar tras­salarda, 318-i oblystyq, aýdandyq mańyzy bar joldarda tir­keldi. Kóbinese JKO kólik qu­raldarynyń soqtyǵysýynan – 1515, sondaı-aq jaıaý júr­ginshilerdi qaǵyp ketýinen 1377 fakt oryn aldy.

Zertteý nátıjelerine sáıkes JKO-nyń 96%-y júr­gizý­shiler­diń kinásinen (3566 fakt), onyń ishinde 109 alkogoldik nemese esirtkilik mas kúıde bolǵan. Eń kóp ólim jaǵdaıy búıirden soqtyǵysý saldarynan jasalǵan (opat bolǵandardyń jalpy sanynyń 47%-y). Ekinshi orynda – jaıaý júrginshini qaǵyp ketýmen baılanysty jol-kólik oqıǵalary (qaza bolǵandardyń jalpy sanynyń 29%-y) bolyp tabylady. Belgilengen jyldamdyqtyń artýynan 969 JKO oryn alǵan, onda 157 adam qaza tapqan.

Burynǵydaı joldardaǵy apattardyń eń kóp sany Almaty qalasyna tıesili – 985 jaǵdaı, al eń joǵary ólim kórsetkishi Almaty oblysynda anyqtaldy – 110 adam qaza tapqan. Elor­dada 162 JKO, Shymkent qala­synda 102 JKO tirkelgen.

Apattardyń eń az sany Sol­tústik Qazaqstan – 48 jáne Mańǵystaý – 69 oblystarynda tıesili.

Keıbir jaǵdaılarda jol belgilerimen jáne jyldamdyq ól­shegishterimen rettelmegen joldar, sondaı-aq jaıaý júr­ginshiler qozǵalysynyń baqy­laýsyzdyǵy apattardyń sebep­teri bolýda.

Sondaı-aq júr­gizýshilerdiń abaısyzdyǵy men jol qozǵalysy erejelerin bu­zýy – basty sebep. Atalǵan fak­tiler boıynsha ishki ister organdary men oblys ákimdikteri aqparattandyrylyp otyr.

Elimizdiń joldary men kó­shelerindegi jol apattary týraly tolyq aqparatty Quqyqtyq statıstıka jáne arnaıy esepke alý jónindegi komıtetiniń «qamqor.gov.kz» saıtynyń «Aq­parattyq servıs» bóliminde kórýge bolady.