Densaýlyq saqtaý mınıstri Alekseı Soı epıdemıologııalyq jaǵdaı boıynsha jańartylǵan boljam aıtty, dep habarlaıdy Egemen.kz.
Soı Qazaqstandaǵy koronavırýs taraýy boıynsha úsh boljam aıtty.
«Pessımıstik ssenarıı boıynsha, vaksınasııanyń tıimdiligi kem degende 60 paıyz bolsa, 2021 jylǵy maýsym-qyrkúıekte tirkelgen jaǵdaılar sany 95 myńǵa jýyq adam bolady.
Ekinshi, shynaıy ssenarıı boıynsha vaksınalaýdyń tıimdiligi keminde 80 paıyz bolady, sonda 2021 jylǵy maýsym-qyrkúıekte tirkelgen jaǵdaılardyń boljamdy sany shamamen 69 myń adamǵa jetedi.
Al optımıstik ssenarııde vaksınasııanyń tıimdiligi kem degende 95 paıyzdy kórsetip, 2021 jyldyń maýsym-qyrkúıek aılarynda tirkelgen jaǵdaılardyń sany shamamen 61 myń adam bolady», dedi Soı
Mınıstr osy ssenarıılerdiń oryndalý-oryndalmaýy halyqtyń vaksınasııa máselesindegi belsendiligine tikeleı baılanysty ekenin málimdedi.
«Osyǵan baılanysty jergilikti atqarýshy organdarǵa vaksınamen qamtýdy ulǵaıtý, halyq arasynda aqparattyq-túsindirý jumystaryn júrgizý boıynsha sharalar qabyldaý qajet dep sanaımyz», dedi vedomstvo basshysy.