Elordada baǵdarshamdy qasaqana syndyrǵan jasóspirim vıdeoǵa túsip qaldy. Endi 15 jastaǵy jasóspirim ákimshilik jazaǵa tartylady, dep habarlaıdy Egemen.kz.
Polısııaǵa baǵdarshamdy syndyrǵan jasóspirim týraly kýágerler habar bergen. Oqıǵa Qarasaı batyr kóshesindegi «Zabava» dúkeni mańynda bolǵan.
Baǵdarshamǵa «shabýyldaý» sáti jedel basqarý ortalyǵynyń beınebaqylaý kameralaryna túsip qalǵan. Mektep oqýshysy kóp uzamaı ustaldy.
«Kámeletke tolmaǵan bala Saryarqa aýdany PB-ǵa jetkizildi, onda jasóspirimniń ata-anasy da shaqyryldy. Zańdy ókilge qatysty áńgime júrgizilgennen keıin ÁQBtK-niń 435-baby boıynsha ákimshilik is qozǵaldy. Materıal sheshim qabyldaý úshin Nur-Sultan qalasynyń mamandandyrylǵan aýdanaralyq ákimshilik sotyna joldandy.
Elordalyq Polısııa departamenti buzaqylyq áreketter men múlikke zııan keltirgeni úshin jaýapkershilik baryn eske salady», dedi polısııa ókili.