Aqparat jáne qoǵamdyq damý mınıstri halyqqa esep berý kezdesýinde «Táýelsizdik urpaqtary» ulttyq jobasy týraly aıtty, dep habarlaıdy Egemen.kz.
«El táýelsizdiginiń 30 jyldyǵy aıasynda Memleket Basshysy jastar saıasaty salasyndaǵy barlyq baǵdarlamany tutas bir ulttyq jobaǵa biriktirýdi tapsyrǵan bolatyn. Búginge deıin barlyq óńirde qoǵamdyq tyńdaýlar ótip, 100 den astam usynys jobaǵa engizildi. Atalǵan Qujat – jastar saıasaty salasynda barlyq memlekettik organdardyń jumysyn bir júıege keltirip, ıdeologııalyq baǵyttan – bazalyq qajettilikke deıingi máselelerdi qamtıtyn bolady», dedi Aqparat jáne qoǵamdyq damý mınıstri Aıda Balaeva.