Búgin Ortalyq kommýnıkasııalar qyzmetinde ótken brıfıngide Balalardyń quqyqtaryn qorǵaý komıtetiniń tóraǵasy Esenǵazy Imanǵalıev Bilim jáne ǵylym mınıstrligi Balalardyń quqyqtaryn qorǵaý komıteti bir jylda 454 myń balanyń quqyǵyn qorǵaýǵa yqpal etkenin málimdedi, dep habarlaıdy Egemen.kz.
«Bilim jáne ǵylym mınıstrliginiń nazaryna 454 myń balanyń quqyqtyq máselesi túsip, sonyń bárine biz qol ushyn berip, rettedik. 2020 jyly 640 myń bala mektepterde tegin tamaqpen qamtyldy. Nur-Sultan qalasynda, Batys Qazaqstan, Atyraý, Pavlodar oblystarynda 1-4 synyp oqýshylary 100 paıyz ystyq tamaqpen tegin qamtyldy. Qaraǵandy oblysynda 1-2 synyp oqýshylary, Mańǵystaý jáne Aqmola oblystarynda 1-synyp oqýshylary túgel tegin ystyq tamaqpen qamtyldy. Komıtet tarapynan uıymdastyrylǵan eń aýqymdy sharýa osy deýge bolady», dedi ol.