Búgin Qazaqstan Respýblıkasynyń Premer-Mınıstri Asqar Mamınniń tóraǵalyǵymen Úkimet otyrysy ótti. Jıynda Túrkistan oblysyn áleýmettik-ekonomıkalyq damytýdyń 2021-2025 jyldarǵa arnalǵan keshendi jospary, balalardyń quqyqtaryn qorǵaý jáne qaýipsizdigin qamtamasyz etý sharalary jaıly aıtyldy, dep habarlaıdy Egemen.kz.
Aqtoty Raıymqulova Túrkistan oblysynyń áleýmettik-ekonomıkalyq damýynyń 2021-2025 jyldarǵa arnalǵan keshendi jospar jobasynda Mádenıet jáne sport mınıstrliginiń quzyreti sheginde 27 is-shara kózdelgenin aıtty.
«Búginde mınıstrliktiń málimetine sáıkes, Túrkistan oblysynda 4 529 sport nysany bar. Oblys halqynyń 32,1% turǵyny dene shynyqtyrýmen, sportpen júıeli túrde shuǵyldanady.
Keshendi jospar sheńberinde sport salasynda 13 jobany júzege asyrý josparlanyp otyr. Olardyń ishinde respýblıkalyq jáne jergilikti bıýdjet esebinen 3 iri sport nysanyn salý qarastyrylǵan.
Jeke ınvestısııa tartý arqyly eki joba jáne jergilikti bıýdjet esebinen 8 ınfraqurylymdyq jobany júzege asyrý josparlanǵan. Bul jobalardyń basym bóligi buqaralyq sportty damytýǵa baǵyttalǵan. 2025 jyly dene shynyqtyrý jáne sportpen shuǵyldanatyn azamattardy úlesi 45%-ǵa deıin ulǵaıady dep kútilýde.
Qazirgi tańda Túrkistan oblysynda týrıster sany 1,2 mln adamǵa jetken. Jalpy sport ınfraqurylymyn damytý eń aldymen halyqtyń densaýlyǵyn jaqsartýǵa jaǵdaı jasaıdy», dedi mınıstr.
Sondaı-aq ol týrızm salasyndaǵy josparǵa toqtaldy.
«О́ńirge keletin týrıster aǵynyn ulǵaıtý maqsatynda Túrkistan jáne Tóle bı aýdanyndaǵy «Qasqasý» týrıstik-rekreasııa ortalyǵynyń ınfraqurylymyn damytý josparlanýda. О́ńiraralyq yntymaqtastyqty odan ári keńeıtý maqsatynda týrısttik baǵyttardy odan ári damytý boıynsha jumys jalǵasady. «Uly Jibek joly» boıynda jańa týrıstik ónimder qalyptasatyn bolady. Keshendi jospar sheńberinde 11 ınvestısııalyq jobany júzege asyrý josparlanyp otyr. Onyń ishinde 9-y jeke ınvestısııa esebinen.
О́ńirde týrızm ındýstrııasyn damytý boıynsha usynylatyn týrıstik qyzmetterdiń sapasyn arttyrý, týrıstik qyzmet sýbektilerine memlekettik qoldaýdyń jańa sharalaryn usyný, Túrkistan qalasy men Túrkistan oblysynyń kóliktik qoljetimdiligin arttyrý sııaqty jáne t.b. keshendi sharalardy iske asyrý josparlanyp otyr.
Jobalardy iske asyrý nátıjesinde 2025 jyly týrıster sany 2,5 mln adamǵa deıin, ornalastyrý oryndarymen qyzmet kórsetilgen kelýshiler sany 291 myń adamǵa deıin jáne týrızm salasynda jumys isteıtinder sany 30 myń adamǵa deıin artady dep josparlanýda», dedi Aqtoty Raıymqulova.
Sonymen qatar mınıstr mədenıet salasynda atqarylatyn jumys barymymen tanystyrdy.
«Statıstıka derekterine sáıkes, óńirde 703 mádenıet mekemesi bar. Mádenıet salasyndaǵy basym mindettiń biri - memlekettik baǵdarlamalar, jeke ınvestısııa sheńberinde ınfraqurylymdy odan ári damytý. Nátıjesinde 13 mádenıet nysany paıdalanýǵa beriledi. «Rýhanı Jańǵyrý» jáne «Uly dalanyń jeti qyry» baǵdarlamalary aıasynda eskertkishterdi ǵylymı qalpyna keltirýge jáne arheologııalyq zertteýlerge baǵyttalǵan aýqymdy jumys josparlanǵan.
Oblysty damytýdyń Keshendi jospary aıasynda tarıhı-mádenı murany saqtaý boıynsha 3 aýqymdy jobany iske asyrý kózdelgen. Onyń ishinde Kúltóbe qalashyǵynyń tarıhı nysandaryn qalpyna keltirý, «Áziret Sultan» qoryq-mýzeıiniń aýmaǵyn abattandyrý, «Qoja Ahmet Iаsaýı» jáne «Rabııa Sultan Begim» kesenesin, Túrkistan qalasyndaǵy sıtadeldiń qamal qabyrǵasyn qalpyna keltirý jumysy kózdelip otyr.
2025 jyly 59 nysandy qalpyna keltirý jumysy aıaqtalyp, 24 arheologııalyq zertteý júrgizý josparlanyp otyr. Nátıjesinde bas tarıhı mádenı nysan – «Qoja Ahmet Iаsaýı» kesenesine kelýshiler sany 2,3 mln adamǵa deıin artady dep kútilýde.
Atalǵan sharalar óńirdiń tarıhı-mádenı murasyn saqtaýǵa, damytýǵa, ony elimizde jáne shetelde tanymal etýge, týrısterdiń kelýi úshin qolaıly jaǵdaılar jasaýǵa baǵyttalǵan. Bul óz kezeginde elimizdiń týrıstik tartymdylyǵyn arttyrady», dedi mınıstr.