Kólik júrgizýshisi alǵan jaraqatynan oqıǵa ornynda kóz jumdy, dep habarlaıdy Egemen.kz Pavlodarnews.kz saıtyna silteme jasap.
Pavlodar oblysy polısııa departamentiniń málimetinshe, 31 mamyrda saǵat 23:10-da Pavlodar aýdany Lýgansk aýylynyń janyndaǵy «Efremovka-Lýgansk» avtojolynyń 10 shaqyrymynda «Toıota Estıma» avtokóliginiń 27 jastaǵy júrgizýshisi rýldi basqara almaı, kıývetke aýdarylyp ketken.
- Jol-kólik oqıǵasy saldarynan júrgizýshi alǵan jaraqatynan oqıǵa ornynda kóz jumdy. Saraptama taǵaıyndaldy, - dep habarlady Pavlodar oblysy polısııa departamentiniń baspasóz qyzmeti.
Polısııa atap ótkendeı, avtokólik aıyp turaǵyna qoıyldy. Tekserý júrgizilýde.