«Jastar» saraıynan bastalatyn jol jastar mýzykalyq teatryna deıin sozylyp jatyr, dep habarlaıdy Egemen.kz.
Bul «Nur-Sultan – jaıly qala» jospary aıasynda júzege asty. Jalpy bıyl bas qalada 160 aýla men qoǵamdyq keńistikti abattandyrý josparlanǵan. Jańa arbat Jaqyp Omarov kóshesiniń boıynda ornalasqan. Munda halyqtyń tynyǵýyna, balalardyń shynyǵýyna barlyq jaǵdaı jasalǵan.
Sondaı-aq balalarǵa arnalǵan sýburqaqtar men oıyn alańdary da bar. Endi Respýblıka dańǵylynan Áýezov kóshesine deıingi bóliktegi sýburqaq qaıta jańartylady, jáne «Halyqtar dostyǵy» monýmentiniń aınalasynda jańa sýburqaq kesheni paıda bolmaq.
«Jańadan salynǵan býlvar josparymyzǵa sáıkes Á.Mámbetov kóshesimen jalǵasyp, onda Nur-Sultan qalasynda eń birinshi jaıaý júrginshilerge arnalǵan kóshe paıda bolmaqshy. Osy aıdyń birinshi dekadasynda tehnıkalyq ashylýy bolady», deıdi Saryarqa aýdanynyń ákimi Eset Baıken.