Qaıǵyly oqıǵa Áýejaı – Pavlodar avtojolynda oryn aldy, dep habarlaıdy Egemen.kz Ravlodarnews.kz-ke silteme jasap.
Oblystyq PD baspasóz qyzmetiniń málimetinshe, 1 maýsym kúni saǵat 23.00-de «BMV» avtokóliginiń 27 jastaǵy júrgizýshisi qatty jyldamdyqpen kele jatyp, rýlge ıe bola almaı qalǵan. Kólik aǵashqa jáne jaryqtandyrý tiregine soǵylǵan.
«Jol-kólik oqıǵasy saldarynan jaraqat alǵan jolaýshy aýrýhanada esin jımastan kóz jumdy. Avtokólik arnaıy aıyp turaǵyna qoıyldy. Sot-medısınalyq saraptama taǵaıyndaldy. Atalmysh fakti boıynsha tekserý júrgiziledi», dedi oblystyq polısııa departamentiniń baspasóz qyzmetinde.
Aıta keteıik, aǵymdaǵy jyldyń basynan beri Pavlodar oblysynyń aýmaǵynda 168 jol-kólik oqıǵasy tirkelgen. Jol apaty saldarynan 10 adam qaza taýyp, 252 adam jaraqat alǵan.