Qazaqstanda zeınetaqy qarajatynynyń artyǵyn paıdalaný erejelerine ózgertý engiziledi, dep habarlaıdy Egemen.kz.
Jańa shekteýler ázirlenip, ındýstrııa jáne ınfraqurylymdyq damý mınıstri Beıbit Atamqulovtyń 2021 jylǵy 21 qańtardaǵy №24 buıryǵyna engizildi.
Atap aıtqanda, birjolǵy zeınetaqy tólemderin alýshynyń jubaıynan, jaqyn týystarynan jyljymaıtyn múlik satyp alýǵa paıdalanýǵa jol berilmeıdi. Osy tarmaqtyń oryndalýyn baqylaý maqsatynda alýshy jeke kabınette birjolǵy zeınetaqy tólemine elektrondyq ótinish bergen kezde atalǵan tulǵalardan jyljymaıtyn múlikti satyp almaý týraly mindettemege qol qoıady.
Bul rette jaqyn týystarǵa ata-analar, balalary, asyrap alýshylar, asyrap alynǵandar, ata-anasy bir jáne ata-anasy bólek aǵa-inileri men apa-sińlileri, atasy, ájesi, nemereleri jatatyny naqtylanady.
IIDM-de túzetý aqshany qolma-qol aqshaǵa aınaldyrý úshin zeınetaqy jınaqtaryn paıdalana otyryp, turǵyn úıdi satyp alý-satý jónindegi jalǵan operasııalarǵa qaıyn enesin, atasyn jáne basqa da týys adamdardy tartý múmkindigin boldyrmaıdy dep esepteıdi.
Sonymen qatar Otbasy bankiniń derekteri boıynsha 2021 jylǵy 26 mamyrdaǵy jaǵdaı boıynsha 159,6 myńnan astam qazaqstandyq zeınetaqy jınaqtarynyń bir bóligin merziminen buryn alý múmkindigin paıdalanǵan. Olar alǵan qarajattyń jalpy somasy 1 trln teńgeni qurady. Onyń kóp bóligi jyljymaıtyn múlik satyp alýǵa baǵyttalǵan.