Halyq sanaǵyn sapaly ótkizý qajet

1 maýsymda aımaqtarda turǵyndar men turǵyn emes úı-jaılardyń mekenjaı­­laryn jańartý jáne olarda turatyn tur­ǵyn­dardy naqtylaý maq­satynda suhbat berý­shiler eldi mekenderdi aralaýdy bas­tady.

Halyq sanaǵyna daıyn­dyqqa shamamen 6,5 myń adam tartý josparlanýda.

Tolyq sanaq quramy Nur-Sultan, Almaty qalalary, Almaty, Atyraý, Batys Qazaq­stan, Qostanaı, Qyzyl­or­da oblystarynda jasaq­tal­ǵan. Buǵan qosa, bul aı­maq­tarda indetke qarsy ekpe alǵan suhbat berýshilerdiń paıyzy joǵary.

Kezdesý qorytyndysy bo­ıynsha Álıhan Smaıylov birqatar naqty tapsyr­ma berdi. Oblystar men Nur-Sultan, Almaty, Shymkent qalalary­nyń ákimdik­teri jáne Ulttyq statıstıka bıýrosy, Bilim jáne ǵylym, Densaý­lyq saqtaý mınıstr­likterimen birlesip, jumyssyz halyqty, erikti uıymdardy, stýdentterdi ekpe alǵannan soń, suhbat­tasý­shy retinde tartý boıynsha jumysty kúsheıtýi tıis.

Polısııa departament­terimen birge oblystyq ákim­dikter halyq sanaǵy kezinde sanaq qyzmetkerleriniń qaýip­sizdigin jer­gilikti deńgeıde qamtamasyz etýi, sondaı-aq teris pıǵyldy adamdardyń alaıaqtyq áre­ketterine jol bermeýi kerek.

Sondaı-aq Á.Smaıylov sa­naq naýqany aıaqtalǵanǵa deıin eldi mekenderdiń quram­das bólikterine (dańǵyldar, kósheler, alleıalar jáne t.b.) jańa ataý berý týraly mora­torııdi saqtaýdy tapsyrdy.

Halyq sanaǵy kezinde alynǵan jeke málimetter qupııa bolady jáne «Mem­le­­kettik statıstıka týraly» Qazaqstan Res­pýb­­lıkasynyń Zańyna sáıkes qorǵala­dy.

«Memleket tarapynan qabyldanyp jat­qan sheshim­derdiń tıimdiligi alyn­ǵan máli­metterge baılanysty bolady. Sanaq nátıjeleri mektep, balabaqsha, emha­nalardy salý boıynsha bıýdjetti jos­­par­laýǵa jáne elimizdiń ár­bir ákimshilik-aýmaǵynda halyq­qa kólik qyzmetin usyný úshin qajet. Sanaq derekteri áleýmettik saladaǵy, bilim berý­degi, densaýlyq saq­taýdaǵy, turǵyn úı quryly­syndaǵy jáne jumys oryndaryn qurýdaǵy mem­lekettik baǵdarlamalardy iske asyrýda mańyzdy. Sondyqtan bul sharanyń mańyzdylyǵyn eskere kele, biz bul naýqandy sapaly ótkizýimiz kerek», dedi Á.Smaıylov.