Nur-Sultan qalasynyń turǵyny óziniń 10 páterine 324 adamdy tirkegen, dep habarlaıdy Egemen.kz Polisia.kz saıtyna silteme jasap.
Aldyn alý sharasyn ótkizý kezinde polıseıler 1229 mekenjaıdy teksergen. Onyń nátıjesinde bes myńǵa jýyq adam tirkelgen 58 páter anyqtaldy. Tulǵalardy kóptep tirkeýge jol bergen páter ıelerine qatysty ákimshilik sharalar qabyldanǵan.Úı ıelerinen jalǵan túrde tirkelgen azamattardy tirkeýden alyp tastaý ótinishteri alyndy. О́z páterine eń kóp adamdy zańsyz tirkeý jaǵdaılary Nur-Sultan qalasynyń sol jaq jaǵalaýynda tirkelgen. Máselen, Esil aýdanynyń polıseıleri ıesi bir adam bolyp tabylatyn 10 mekenjaıdy anyqtady.Páterlerdiń ıesi, ESQ arqyly azamattardy turaqty negizde zańsyz tirkep otyrǵan. Osylaısha, ol páterlerine 324 adamdy tirkegen. Polıseıler quqyq buzýshynyń áreketterin baqylaýǵa aldy, oǵan qatysty zańǵa sáıkes sharalar qoldanyldy. Polıseıler sondaı-aq jalǵan mekenjaı boıynsha sheteldik azamattardy zańsyz tirkeý faktilerin joıǵan.