Soltústik Qazaqstan oblysynyń Tótenshe jaǵdaılar departamenti baspasóz qyzmetiniń málimetinshe, oqys oqıǵa 7 maýsym kúni M.Jumabaev aýdany Býlaev qalasynda bolǵan, dep habarlaıdy Egemen.kz
Saǵat 17:00 shamasynda 101 qyzmetine Chkalov kóshesindegi 38 úıde órt shyqqandyǵy týraly habarlama túsken. О́rt jatyn bólmeden shyǵyp, baspananyń qabyrǵalaryna, jıhazǵa zaqym keldi.
Úıindiniń astynan sol úıdiń ıesi – 1972 jyly týǵan er adamnyń denesi tabyldy. Er adam ishimdikke jaqyn bolǵan. Aldyn ala boljam boıynsha, kerýette jatyp, shylym shegýi múmkin.
«Bul úıde 26 mamyr kúni de órt shyqty. Saldarynan baspananyń jáne qora-qopsynyń shatyry janyp ketti. О́rt sol joly elektr symdarynyń qysqa tuıyqtalýynan shyqqan edi», deıdi oblystyq TJD basqarmasynyń basshysy Dmıtrıı Rastıhın.