Almaty oblysynda toıda atys uıymdastyrǵan er adamǵa jaza taǵaıyndaldy. Talǵar aýdandyq sotynyń baspasóz qyzmeti onyń ákimshilik jaýapkershilikke tartylǵanyn aıtty, dep habarlaıdy Egemen.kz.
«2021 jyly 27 mamyrda «Aısultan» meıramhanasynda bolǵan is-shara barysynda azamat A. qoǵamdyq tártipti buzyp, RETAY PT-24 belgisi bar tapanshadan tórt ret oq atqanyn moıyndady.
Sot qaralymynda senimdi túrde qoǵamdyq tártipti buzýmen jáne qoǵamǵa degen qurmetsizdik tanytqany anyqtaldy. Sarapshynyń qorytyndysyna sáıkes RTAID-170900970 serııaly zertteýge usynylǵan RETA PT 24 tapanshasy atys qarýy emes, atýǵa jaramdy 9 kalıbrli sıgnaldyq tapansha ekeni anyqtaldy», dedi Talǵar aýdandyq sottyń baspasóz qyzmeti.
Sotta A. jasaǵan isine ókinip, óziniń kinásin tolyqtaı moıyndaǵan.
Jaza taǵaıyndaý kezinde sot quqyq buzýshy buryn ákimshilik jaýapkershilikke tartylmaǵanyn, qamqorlyǵynda kishkentaı balasy bar ekenin eskergen.
Sottyń 2021 jylǵy 7 maýsymdaǵy qaýlysymen A. quqyq buzýshylyq jasaǵany úshin kináli dep tanylyp, ákimshilik kodekstiń 434-babynyń 1 qaýlysy boıynsha, 5 AEK - 13 890 teńge mólsherinde aıyppul túrinde ákimshilik jaza taǵaıyndaldy. Sot sheshimi áli óz kúshine engen joq.
Jansaıa Muratbek