Ekologııa mınıstri Maǵzum Myrzaǵalıev eldegi egistik alqaptaryn sýarýǵa qatysty kúrdeli jaǵdaı týraly málim etti, dep jazady Egemen.kz.
Bul másele elimizdiń ońtústik óńirleri úshin asa mańyzdy, óıtkeni olarǵa barlyq sýarmaly sýdyń 97%-y tıesili. Munda bıyl sý azdyǵy baıqalady.Almaty oblysy Ile Alataýynyń ońtústik betkeıindegi ózen basseınderinde jaýyn-shashyn normadan 39 paıyzǵa az, al shaǵyn jáne orta sý qoımalarynyń tolymdylyǵy vegetasııalyq kezeńniń basynda 75-80%-dy qurady. Jambyl oblysy Shý jáne Talas ózenderiniń basseınderinde sý deńgeıi 20-25%-ǵa tómen. Sebebi bul ózenderdiń búkil aǵyny Qyrǵyzstan aýmaǵynda qalyptasady, ol jaqta da sý az bolǵandyqtan memleketaralyq sý obektileri boıynsha kelisilgen kólemdi alý qıyndady.Túrkistan jáne Qyzylorda oblystarynda Syrdarııa ózenindegi sý deńgeıi Toqtoǵul sý qoımasynyń toltyrylýyna baılanysty.
Maǵzum Myrzaǵalıevtiń aıtýynsha, bıyl bul sý qoımasynyń kólemi sońǵy 5 jyldaǵy eń tómen kórsetkishti kórsetti. Norma 15 mlrd.m3 bolsa, bıyl 1 sáýirdegi jaǵdaı boıynsha tolymdylyǵy tek 8,7 mlrd. m3 qurady. Sondaı-aq Arys ózeniniń aǵyny normadan 73% - ǵa jáne taý ózenderiniń ortasha aǵyny - 25%-ǵa tómen. Munda jaǵdaıdy jeńildetý úshin «Qazsýshar» RMK gıdrotehnıkalyq jáne uıymdastyrý sharalaryn qabyldaıdy.Syrdarııa ózenindegi sý deńgeıiniń tómendigi sýdy kóp qajet etetin kúrish alqaptary ornalasqan Qyzylorda oblysynda sýarýdy qıyndatyp otyr. Mundaǵy jaǵdaıdy jaqsartý úshin «Qazsýshar» RMK gıdrotehnıkalyq jáne uıymdastyrý sharalaryn qabyldaıdy.«Bıylǵy jyly josparlanǵan egis kólemi 440 myń gektardy quraıtyn Túrkistan oblysynda sýarýǵa qajetti sýdyń 85%-y О́zbekstan aýmaǵynan keledi. Sondyqtan mundaǵy jaǵdaı Dostyq, Zah, Hanym memleketaralyq kanaldary arqyly Syrdarııa ózenine quıylatyn sýdyń kólemine baılanysty. Shardara sý qoımasynyń kólemi ótken jylmen salystyrǵanda bıyl 550 mln.m3 az ekenin eskerý qajet», deıdi mınıstr.
Sonymen qatar Dostyq kanalynan sýǵarý boıynsha ótinimder kóbeıgen, óıtkeni kúrish egý alqaby 2 esege ulǵaıdy. 2 myń ga ornyna 4,7 myń ga egildi, bul óz kezeginde qosymsha 100 mln.m3 sýdy qajet etedi. Sondyqtan mamyr aıynda Shardara sý qoımasynan mashınalyq sý berý arnasy iske qosyldy. Sondaı-aq 14 drenajdy uńǵyma jáne 3 sorǵy tartyldy», deıdi Maǵzum Myrzaǵalıev.
Mınıstr Almaty oblysynda 2020 jyly Qapshaǵaı sý qoımasy boıynsha kúrdeli jaǵdaı qaıtalanýy múmkin ekenin eskertti. Osyǵan baılanysty oblys ákimdigine tıisti sharalar qabyldaý mańyzdy.Mınıstrdiń aıtýynsha, jalpy sýmen qamtamasyz etý boıynsha jaǵdaı mınıstrliktiń baqylaýynda. Sý tapshylyǵy saldaryn barynsha jeńildetý úshin barlyq qajetti sharalar qabyldanyp jatyr.Máselen Qazaqstan Qyrǵyzstanmen Toqtoǵul sý qoımasynan jaz aılarynda qosymsha 330 mln.m3 sý alý týraly kelisimge qol jetkizdi. Budan bólek «Bahrı Tochık» (Tájikstan) sý qoımasynan Qazaqstanǵa qosymsha 315 mln.m3 kóleminde sý jiberý týraly ýaǵdalastyq bar. Sondaı-aq Ekologııa mınıstrligi Aýyl sharýashylyǵy mınıstrligimen birlesip, aqpan-naýryz aılarynda óńirlerge sýdyń az bolatyny týraly eskertti. Sýdy kóp qajet etetin daqyldardy azaıtýdy, sondaı-aq osy jaǵdaıdy eskere otyryp kóktem-jazǵa daıyndalýdy usyndy.«Bul rette ákimdikterge sý deńgeıiniń tómendigi jáne qabyldanǵan sharalar týraly sharýalarǵa aýqymdy aqparattyq-túsindirý jumystaryn júrgizý mańyzdy. Jergilikti bılik «Qazsýshar» RMK fılıaldarymen birlesip, sý berýdiń onkúndik jedel kestesine sáıkes josparly táýlik boıy sý paıdalanýdy iske qosýy kerek», dedi Maǵzum Myrzaǵalıev.