Búgin, 12 maýsym tórtkúl dúnıe kóz tikken baıraqty báseke bastaldy, dep habarlaıdy Egemen.kz.
Dop dodasynyń shymyldyǵy Túrkııa men Italııa quramalarynyń kezdesýimen túrildi. Oıyn Italııa astanasy Rım qalasyndaǵy Olımpıadalyq stadıonda ótip jatyr.
Bul matchta nıderlandylyq Dannı Makkelı bas qazy bolsa, oǵan otandastary Hessel Stegstra men Iаn de Vrıs kómekshilik jasaýda. Qosalqy tóreshi - fransııalyq Stefanı Frappar.
Aıta keteıik, oıyn elorda ýaqytymen 00:50-de «Qazaqstan» jáne «Qazsport» telearnalarynan tikeleı efırde bastaldy.
Bıylǵy birinshilikte barlyǵy 24 qurama synǵa túsedi. Árbir toptan úzdik eki komanda men kórsetkishi joǵary tórt qurama jarysty jalǵastyrýǵa múmkindik alady. Quramalar tómendegi toptarǵa bólingen:
A toby: Ýels, Shveısarııa, Túrkııa, Italııa;
V toby: Fınlıandııa, Belgııa, Reseı, Danııa;
S toby: Ýkraına, Avstrııa, Soltústik Makedonııa, Nıderlandy;
D toby: Horvatııa, Shotlandııa, Chehııa, Anglııa;
E toby: Shvesııa, Polsha, Slovakııa, Ispanııa;
F toby: Germanııa, Vengrııa; Portýgalııa, Fransııa;