2021 jylǵy 7-16 maýsym aralyǵynda oblys aýmaǵynda «Mıgrant» jedel aldyn alý is-sharasy ótkizilýde, dep habarlaıdy Egemen.kz.
Oblystyq PD baspasóz qyzmetiniń málimetinshe, is-sharany ótkizý barysynda polısııa qyzmetkerleri N.Nazarbaev dańǵyly boıyndaǵy «Shańyraq» MÚ aýdanynda salynyp jatqan obektide zańsyz eńbek etken adamdardy anyqtaǵan.
- Kúndizgi ýaqytta О́zbekstan Respýblıkasynyń segiz azamaty kóp qabatty alty kireberisti úıdiń qurylys jumystaryn júrgizgen. Polısııa qyzmetkerlerin kórgen kezde sheteldik jumysshylar salynyp jatqan úıdiń qabattarynda jasyrynyp qashýǵa asyqty. Alaıda polıseıler barlyǵyn ustady. Ustalǵan О́zbekstan azamattarynyń jeke tulǵalardyń úı sharýashylyǵynda eńbek qyzmetimen aınalysýǵa ruqsaty bar ekendigi anyqtaldy. Bul jaǵdaıda sheteldikter zań talaptaryn buza otyryp, zańdy tulǵa nysanynda qyzmet atqarǵan, – dep habarlady Pavlodar qalasy polısııa basqarmasynyń bastyǵy Danııar Bek.
Qurylys nysanynda jumys berýshige QR ÁQBtK-niń 519-babyna sáıkes 200 AEK-ke deıin aıyppul salynady, al sheteldikter QR ÁQBtK-niń 517-babyna sáıkes ákimshilik qamaýǵa alynady nemese elden shyǵarylady. Endi sot barlyq aıyptalýshylarǵa qatysty úkim shyǵarýy kerek.