Qazaqstan Respýblıkasynyń Ulttyq mýzeıinde Fatıma hanshanyń kamzoly saqtaýly tur. Mýzeıdegi kamzol – sol kıim úlgisiniń qaıta óńdelip, jańǵyrtylǵan nusqasy. XVII ǵasyrda Fatıma hansha osy kamzoldy patsha saraıyndaǵy saltanatty jıynda kıgen edi.
Fatıma – Reseıdiń tuńǵysh múftıi Muhamedjan Husaıynovtyń qyzy, Jáńgir hannyń jary. Iаǵnı ol qazaq handary áýletiniń kelini. О́te bilimdi ári qabiletti jan bolǵan eken. Aǵartýshylyqqa óz úlesin qosyp, qyzdarǵa arnalǵan mektep ashqan. Fatıma orys, nemis, fransýz tilderin jetik bilýmen qatar, fortepıanoda oınaı alǵan. Ol – parasatymen erekshelengen qazaq hanshasy. Fatıma Nıkolaı I patshanyń taqqa otyrý rásiminde óziniń sán-saltanatymen kózge túsedi. Sonda kıgen qazaq kamzoly qazir Ulttyq mýzeıde saqtaýly tur. Qyzyl kamzoldyń etek jaǵy altyn jippen ádiptelgen. Túpnusqa úlgisin saqtaı otyryp, jańǵyrtyp qaıta tikken – Aıjan Abdýbaıtova. Qazaqtyń ulttyq kıiminiń jarqyn úlgisi retinde etnografııa zalynda tur. Fatımanyń tarıhı bedeli, ásirese, Nıkolaı I patshanyń taqqa otyrý saltanaty kezindegi sátpen baılanystyrylady. Máselen, Tilekqabyl Boranǵalıulynyń «Jáńgir han» tarıhı romanynda bul oqıǵa: «Toı-dýmannyń bir sátinde Eýropadan kelgen áýlettik ataǵy bar kerbezder men orys elıtasynyń qypsha belderin bı zalynyń shetine yǵystyryp, Nıkolaı men Fatıma valspen qalyqtady», dep beınelengen edi.
Aıtolǵan JÚNISHAN,
L.N.Gýmılev atyndaǵy Eýrazııa ulttyq ýnıversıtetiniń stýdenti