Týǵan jerden topyraq buıyrdy

Jınalǵan qaýym Ekinshi dú­nıejúzilik soǵysta erlikpen qa­za tapqan Kámen Jumanov pen Tó­leýbaı Jumabekovtiń rýhyna taǵzym etip, qurmet kórsetti. О́kinishke qaraı, marqumdardyń múrdesiniń janynan tabylǵan úshinshi ja­ýyngerdiń esimi bel­gisiz.

Is-sharaǵa Reseı elshiliginiń Qazaqstandaǵy áskerı attashesi Tal­ǵat Iýmadılov, Qazaqstan Res­­pýblıkasy Qorǵanys mınıs­tr­liginiń, «Atamnyń amanaty» qo­ǵamdyq qorynyń ókil­deri, soǵys ardageri Kámen Jumanovtyń qyzy Mádenıet Aıapbaeva jáne zııaly qaýym ókilderi qatysty. 

– Uly Otan soǵysy jıyrmasynshy ǵasyrdyń uly qasireti. Bıyl Jeńistiń 76 jyldyǵyn atap óttik. El Prezıdenti Qasym-Jomart Toqaev «Bizdiń hal­qy­myz Jeńiske óziniń sheksiz úlesin qosty. Babalarymyzdyń er­ligi jer betindegi beıbitshilikti saq­tap qaldy» dep atap ótken bolatyn, – dedi oblys ákimi Ermek Mar­jyqpaev, – erlerdiń esimi eshqashan umytylmaıdy.

Saltanatty sharada Talǵat Iýmadılov aǵymdaǵy jyldyń sáýir aıynda «Pıoner» iz­deý otrıadynyń ókilderi Rjev qa­lasynyń mańynan qazaqstandyq úsh jaýyngerdiń máıiti men eki medalon taýyp alǵandyǵy týraly keńinen tolǵap aıtyp berdi. Eki medalon ıesi Aq­mo­la oblysynyń Qorǵaljyn aýda­nynyń jaýyngerlerine tıe­sili ekendigi anyqtalǵan. Qor­ǵaljyndyq Kámen Jumanov pen Tó­leýbaı Jumabekov aýdandyq áskerı komısarıattan maıdanǵa birge attanǵan eken. 1942 jyldyń 21 aqpan kúni qandykóılek joldastar bir kúnde qaza tapsa kerek.

– Ákem qan maıdanǵa at­tanǵanda men nebári úsh jas­ta­ ekenmin. Ákem­niń beınesin tek oısha ǵana eles­tetinmin. Mine­keı men de seksennen astym, – deıdi Kámen Ju­manovtyń qyzy Mádenıet Aıap­baeva, – kózimniń tirisinde ákem­niń rýhymen qaýyshtyrǵan elge myń alǵys. 

Jaýyngerlerdiń máıiti týǵan jerleri Qorǵaljynda jer qoı­naýyna tapsyryldy.