18 maýsym Antalııadaǵy dıplomatııalyq forým (ADF 2021) óz jumysyn bastady. Alqaly jıyndy Túrkııa Respýblıkasynyń Prezıdenti Ákimshiligi men Syrtqy ister mınıstrligi uıymdastyryp otyr, dep habarlaıdy Egemen.kz twesco.org saıtyna silteme jasap.
Keleli keńeske 10 eldiń memleket jáne úkimet basshylary, 42 eldiń Syrtqy ister mınıstrleri, halyqaralyq uıym basshylary, tanymal saıasatkerler, ǵalymdar, bıznes jáne BAQ ókilderi qatysýda. Forýmda ǵalamdyq jáne aımaqtyq máseleler, daǵdarystar men qaqtyǵystardy sheshý joldaryn qatysty taqyryptar talqylanady.
Forýmdy Túrkııa Respýblıkasynyń Prezıdenti Rejep Taıyp Erdoǵan ashty.
О́z sózinde R.T. Erdoǵan álemdegi qaqtyǵystar men kelispeýshilikterdiń aldyn alý faktory retinde dıplomatııanyń mańyzy artyp kele jatqanyn atap ótti.
Atalǵan forýmǵa Halyqaralyq Túrki akademııasynyń prezıdenti Darhan Qydyráli arnaıy qatysyp jatyr.
Antalııadaǵy Nest Kongress ortalyǵynda ótip jatqan dıplomatııalyq forým Túrkııa Prezıdentiniń qoldaýymen 20 maýsymǵa deıin jalǵasady. Forýmǵa Túrkııa Respýblıkasynyń Syrtqy ister mınıstri Mevlút Chavýshoǵlý moderatorlyq etýde.