2019 jyldyń jeltoqsan aıynyń sońǵy kúnderinde elordadaǵy stamotologııalyq klınıkalarynyń birinde tisin emdetkennen keıin es-tússiz qalǵan búldirshin kóz jumdy, dep habarlaıdy Egemen.kz.
Bul aqparatty Nur-Sultan qalalyq qoǵamdyq densaýlyq saqtaý basqarmasynyń baspasóz qyzmeti de rastady.
«О́kinishke oraı 21 maýsym kúni №2 qalalyq kópbeıindi balalar aýrýhanasynda es-tússiz jatqan kishkentaı qyz qaıtys boldy. 1,5 jyldan astam ýaqyt boıy medısına qyzmetkerleri, barlyq dárigerler búldirshinniń ómiri úshin kúresip, janyn aman alyp qalýǵa tyrysty. Biraq, kishkentaı qyz óte aýyr halde jatqandyqtan ómirin saqtap qalý múmkin bolmady», dedi basqarmanyń baspasóz hatshysy Áıkerim Ardaqqyzy.
Eske salaıyq, 2020 jyldyń qańtar aıynda elorda turǵyny Anastasııa Zelenaıa eki jarym jastaǵy balasy stomatologııalyq klınıkaǵa qaralǵannan keıin es-tússiz kúıge túskenin habarlaǵan bolatyn. Osydan keıin tis emhanasyna tekserý júrgizilip birqatar kemshilikter anyqtalǵan edi.