Dúnıejúzilik densaýlyq saqtaý uıymynyń (DDSU) ókili Marııa van Kerkhove koronavırýstyń úndi shtamy álemniń 92 elinen anyqtalǵanyn málimdedi, dep habarlaıdy Egemen.kz.
DDSU sarapshysynyń málimetinshe, «delta» shtamy uıymdy alańdatyp otyr, sebebi ol asa juqpaly jáne álemde jyldam tarap barady.
«Delta» nusqasy 92 elde anyqtaldy. Ol óte juqpaly bolǵandyqtan alańdatyp otyr», dedi Kerkhove brıfıngte.
Aýrýdy baqylaý jáne aldyn-alý ortalyqtarynyń deregine súıensek, qazir bul shtamm AQSh-ta barlyq aýrý juqtyrý dereginiń 10 paıyzyn alady, ol eldegi basymdyqqa ıe nusqalardyń birine aınalǵan. Sonymen qatar, úndi shtamy Ulybrıtanııadaǵy jańa derekterdiń 60 paıyzyna jetti.
«Koronavırýsqa qarsy vaksına aýyr syrqat pen ólimge qarsy óte tıimdi. Vaksına osyǵan arnalǵan, sondyqtan qoldanýymyz qajet. COVAX, DDSU jáne bizdiń barlyq seriktes qaýip tónip turǵan adamdarǵa vaksına jetkizýdi qoldaıdy», dep qosty Kerkhove.
Eske salaıyq, buǵan deıin DDSU úsh eselengen mýtasııasy bar úndi shtamy álemdik deńgeıde «alańdatyp otyrǵanyn» moıyndaǵan edi. DDSU jańa aýrýlar men zoonoz bóliminiń basshysynyń sózinshe, úndistandyq V.1.617. shtamy bastapqylarymen salystyrǵanda juqpaly, vaksınaǵa shydamdy jáne joıqyn bolyp keledi. DDSU ókili mýtasııalanǵan ınfeksııa bastapqy shtamm - SARS-CoV-2-ge qaraǵanda jyldam taralady.
Buǵan deıin Densaýlyq saqtaý mınıstri Alekseı Elordada úndi shtamy tabyldy degen qaýip anyqtalǵanyn málimdegen edi.