Almatyda «Nıý-Iork» shtamy tabyldy degen qaýip anyqtaldy. Bul týraly onlaın-brıfıng barysynda qalanyń bas memlekettik sanıtarııa dárigeri Jandarbek Bekshın málim etti, dep habarlaıdy Egemen.kz.
Almaty sanıtarlyq-epıdemıologııalyq baqylaý departamentiniń basshysy ótken aptadan beri oń nátıje kósetken PTR-synamalarynan kúndelikti skrınıng júrgizilip jatqanyn aıtty.
«Qalada alǵash ret «Nıý-Iork» shtamy tabyldy degen qaýip bar. Bul shtamm túri qysta Nıý-Iorkte dúrbeleń týdyrǵan bolatyn. Taldaý sekvenırleýge baǵyttalǵan», dedi Bekshın.
Aıta keteıik, buǵan deıin Almatyda alǵash ret úndi shtamy anyqtalǵan bolatyn. Bekshın qazaqstandyq vaksına koronavırýstyń kez kelgen túrinen qorǵaýǵa qabiletti ekenin aıtyp, turǵyndardy vaksınasııaǵa shaqyrdy.